پنجاب کی وزیراعلیٰ مریم نواز نے کہا ہے کہ صوبائی حکومت چھوٹے کسانوں کو امداد کی فراہمی اور زرعی پیداوار بڑھانے کیلئے پُرعزم ہے۔
فیصل آباد میں کسان کارڈز تقسیم کرنے کی تقریب سے خطاب کرتے ہوئے انہوں نے کہا کہ چالیس ہزار کسانوں کو کارڈز دیئے جائیں گے جس کے ذریعے وہ سود سے پاک قرض اور بیجوں و کھاد پر اعانت حاصل کر سکیں گے۔
انہوں نے کہا کہ یہ اقدام وسیع تر پروگرام کا حصہ ہے جس کا مقصد پنجاب بھر میں کسانوں کو خود مختار بنانا ہے۔
