ریسکیو1122 خیبرپختونخوا نے ضلع باجوڑ میں راجگان ڈیم سے مزیدتین لاپتہ افراد کی نعشیں نکالنے کے بعد کامیابی سے تلاشی کی کارروائی مکمل کرلی ہے۔تین نعشوں کے نکالے جانے کے بعد اس واقعے میں جاں بحق افراد کی تعداد سات ہوگئی ہے۔ چار روز تک جاری رہنے والی تلاش کی اس کارروائی میں ریسکیو1122 کی پچیس غوطہ خوروں پر مشتمل چار ٹیموں نے حصہ لیا۔ بدھ کے روز راجگان ڈیم پر سیاحوں کی ایک کشتی ڈوب جانے کے بعد گیارہ افراد کو زندہ نکال لیا گیا تھا۔
