گلگت بلتستان میں کوروناوائرس کی روک تھام کےلئے گزشتہ تین روز سے لاک ڈاون جاری ہے۔
تمام کاروباری مراکز اور مارکیٹس بند ہیں،راولپنڈی اور گلگت بلتستان کےدرمیان بین الاضلاعی سطح پر اور شہروں کے اندر گاڑیوں کی آمدورفت بند ہے۔
پاک فوج، پولیس، گلگت بلتستان سکاوٹس، پنجاب رینجرز کے دستے ،گلگت ،دیامر اور بلتستان ڈویژنوں میں گشت کررہے ہیں۔
انتظامیہ لاوڈ سپیکروں کے ذریعے لوگوں کو گھروں کے اندر رہنے اور غیرضروری نقل و حرکت نہ کرنے کے اعلانات کررہی ہے۔
