گلگت بلتستان کی مختلف شاہراہوں پرٹریفک بحال کرنے کے لئے پاک فوج کی امدادی کارروائی جاری ہے جو طوفانی بارشوں اور مٹی کے تودے گرنے کے باعث بند ہوگئی تھی۔
تفصیلات کے مطابق فر نٹیر ورکس آرگنائزیشن کے دستوں نے چین سے پاکستان کی سوست ڈرائی پورٹ کی طرف آنے والے تجارتی قافلے کو بحفاظت بچالیا۔
دستوں نے قراقرم ہائی وے اور جگلوٹ سکردو روڈ کے لینڈسلائیڈنگ سے متاثرہ حصے کو بھی صاف کیا۔ انہوں نے غیر ملکیوں سمیت پھنسے ہوئے مسافروں کو تیارکھانا اور طبی سہولیات مہیا کیں۔
