فائل فوٹومحکمہ صحت پنجاب کورونا سے بچاو کی ویکسین لگانے کا ہدف پورا کرنے کیلئے کل(پیر) سے گھر گھر ویکسین لگانے کی مہم کا آغاز کررہا ہے۔ محکمہ صحت پنجاب کے سیکرٹری عمران سکندر بلوچ نے کہا ہے کہ اس مہم کا مقصد سو فیصد ویکسی نیشن کو یقینی بنانا ہے۔ انہوں نے کہا کہ ویکسین لگوانے سے انکار کرنے والے افراد کیخلاف قانونی کارروائی کی جائے گی۔ انہوں نے کہا کہ زیادہ سے زیادہ لوگوں کو ویکسین لگانے کا ہدف حاصل کرنے کیلئے چودہ ہزار نئے ویکسی نیشن مراکز قائم کئے جائیں گے۔