گلگت بلتستان کے وزیراعلیٰ حافظ حفیظ الرحمن نےکہاہےکہ فرزندانِ گلگت بلتستان جنہوں نے شمالی وزیرستان میں دہشت گردی کے خلاف جنگ میں جام شہادت نوش کیا ہمارے لئے باعث فخر ہیں اور ہم انہیں سلام پیش کرتے ہیں۔
گلگت میں شہدا کی نماز جنازہ میں شرکت کے بعد صحافیوں سے گفتگو کرتے ہوئے انہوں نے کہا کہ پاک فوج کی قربانیوں کی بدولت ملک کودہشت گردی سے نجات ملی اور پوری قوم فوج کے شانہ بشانہ ہے۔
