پنجاب کے وزیراعلیٰ سردارعثمان بزدار نے تمام متعلقہ محکموں کو ہدایت کی ہے کہ وہ لاہور، راولپنڈی اورصوبے کے دوسرے بڑے شہروں میں ڈینگی وائرس کا پھیلائو روکنے کیلئے موثر اقدامات کریں۔آج لاہور میں ہدایات جاری کرتے ہوئے انہوں نے کہاکہ ڈینگی کے پھیلائو کے تدارک کیلئے وضع کردہ لائحہ عمل پرموثر عملدرآمد کیاجاناچاہیے ۔وزیراعلی نے کمشنروں اور ڈپٹی کمشنروں کو ہدایت کی کہ وہ اس مقصد کیلئے فیلڈ ٹیموں کو متحرک کریں۔انہوں نے کہاکہ بارش کے پانی کی جلد نکاسی کیلئے فوری اقدامات کیے جانے چاہئیں ۔