خیبر پختونخوا حکومت نے صوبے میں دو سو سکولوں کی تعمیر کے لئے ڈھائی ارب روپے سے زائد رقم جاری کی ہے۔

 محکمہ تعلیم کے ترجمان نے ریڈیو پاکستان کے پشاور کے نمائندے کوبتایا کہ ان میں سے زیادہ تر سکول دیہی علاقوں میں کھولے جائیں گے تاکہ شرح خواندگی بڑھائی جاسکے۔

 ترجمان نے مزید بتایا کہ صوبے میں بچوں کو سکولوں میں داخل کرانے کی مہم جاری ہے اب تک تقریبا تین لاکھ بچوں کو سکولوں میں داخل کرایا گیا ہے۔