وزیراعلیٰ پنجاب مریم نوازشریف نے پابندی کے باوجود پتنگ بازی کے متواتر واقعات پر ناپسندیدگی کا اظہار کیا ہے اور متعلقہ حکام کو ہدایت کی ہے کہ وہ صوبے بھر میں پتنگ بازی کے خلاف مہم کا آغاز کریں۔لاہور میں اپنے ایک بیان میں وزیراعلیٰ مریم نوازشریف نے پتنگ بازی پر پابندی کی خلاف ورزی کرنے والوں کے خلاف سخت کارروائی کی ہدایت کی۔وزیراعلیٰ نے فیصل آباد میں پتنگ بازی سے ایک نوجوان کی موت کے واقعہ کے بارے میں آئی جی پولیس پنجاب سے رپورٹ بھی طلب کی ۔