عالمی بینک کے بورڈ آف ایگزیکٹو ڈائریکٹر نے پاکستان میں ڈیجیٹل معیشت اور سیلاب کی تباہ کاریوں سے نمٹنے میں مدد دینے کے دو منصوبوں کے لئے مالیاتی تعاون کی مد میںچودہ کروڑ نوے لاکھ ڈالر سے زائد رقم فراہم کرنے کی منظوری دی ہے۔سات کروڑ اسی لاکھ ڈالر کا ڈیجیٹل معیشت منصوبہ شہریوں اورکاروباری فرموں کے لئے عوامی خدمات کی فراہمی کے شعبے میں معاونت کو توسیع دینے میں مددگار ثابت ہوگا جبکہ سندھ میں بیراجوں کی بہتری کے لئے سات کروڑ سترہ لاکھ ڈالر مالیت کے منصوبے سے سیلاب کی روک تھام بیراجوں کی پائیداری حفاظت اور انتظام بہتر بنانے میں مدد ملے گی۔