محکمہ سکول ایجوکیشن کے پارلیمانی سیکرٹری ساجد بھٹی نے کہاہے کہ معیاری تعلیم حکومت کی اولین ترجیح ہے۔

 پنجاب اسمبلی میں وقفہ سوالات کے دوران انہوں نے کہا کہ صوبائی حکومت جنوبی پنجاب کے گیارہ اضلاع کے 10 ہزار 8 سو61 سکولوں کو شمسی توانائی پر منتقل کرنے کے منصوبے پر کام کررہی ہے۔

 ایوان میں مسئلہ کشمیر پر بھی بحث کی گئی اوروہاں ابتر صورتحال پر گہری تشویش ظاہر کی گئی۔

بعد میں ایوان کااجلاس پیر کی سہ پہر 3 بجے تک ملتوی کردیاگیا۔