صوبہ پنجاب میں ڈینگی لاروا کے خاتمے اور اس کی افزائش کو روکنے کیلئے ڈینگی سے بچائو کی سرگرمیاں تیز کردی گئی ہیں۔
ایک بیان میں پنجاب کے سیکرٹری صحت عمران سکندر بلوچ نے کہا کہ گزشتہ چوبیس گھنٹے کے دوران صوبے بھر سے ڈینگی کے 546 مریض سامنے آئے ہیں۔ انہوں نے کہا کہ اس سال اب تک پنجاب میں ڈینگی کے نو ہزار چار سو 91 مصدقہ مریض سامنے آچکے ہیں۔ عمران سکندر بلوچ نے لوگوں پر زور دیا ہے کہ ڈینگی سے بچاؤ کیلئے احتیاطی تدابیر اختیار کریں۔