نو مئی کے سانحہ کی پہلی برسی کے موقع پر زندگی کے مختلف شعبوں سے تعلق رکھنے والے افراد لاہور میں جناح ہاؤس کا دورہ کررہے ہیں۔پاکستان فیڈرل یونین آف جرنلسٹس اور پنجاب یونین آف جرنلسٹس جناح ہاؤس کے دورے کے دوران پاکستان کے شہداء کی یادگاروں کی بیحرمتی کی مذمت کی۔انہوں نے جناح ہاؤس کے گھیراؤ اور جلاؤ پر غم و غصے کا اظہار کیا اور کہا کہ پاکستان میں سیاسی انتہاپسندوں کے لئے کوئی گنجائش نہیں۔مسلح افواج کے ساتھ اپنی گہری محبت اور وابستگی کا اظہار کرتے ہوئے وفد نے پاک فوج کے شہداء کی یادگاروں پر حملوں میں ملوث عناصر کو سخت سزا دینے کا مطالبہ کیا۔پیپلز ڈیمو کریٹک الائنس اور وکلاء کے ایک گروپ نے بھی جناح ہاؤس کا دورہ کیا اور کہا کہ ایک سال گزرنے کے باوجود نو مئی کے ذمہ داروں کو ابھی تک انصاف کے کٹھہرے میں نہیں لایا گیا۔