وزیراعظم کے معاون خصوصی اور بلوچستان کے وزیر تعلیم سردار یار محمد رند نے آج لاہور میں وزیراعلیٰ پنجاب سردار عثمان بزدارسے ملاقات کی۔

ملاقات میں انہوں نے دونوں صوبوں کےدرمیان بین الصوبائی رابطہ او ر تعلقات کو فروغ دینے پر اتفاق کیا۔

 اس موقع پر اظہار خیال کرتے ہوئے سردارعثمان بزدار نے کہا کہ پنجاب کی حکومت بلوچستان کی ترقی اور خوشحالی کےلئے تمام ممکنہ تعاون کرے گی۔

 انہوں نے کہا کہ میر چاکراعظم کے مزار کو اس کی اصل شکل میں بحال کیا جائے گا اور اس حوالے سے فنڈز فراہم کردیے گئے ہیں۔

 وزیراعلیٰ نے بتایا کہ پنجاب کی حکومت بلوچستان میں امراض قلب کا ہسپتال، ریسکیو1122 اوردوسرے منصوبے جلد مکمل کرے گی۔