پنجاب کے وزیراعلیٰ سردار عثمان بزدارنے عیدالفطر کے موقع پر تقریباً ایک ہزار قیدیوں کیلئے خصوصی معافی کا اعلان کیا ہے۔ریاست مخالف اور دہشت گردی کی سرگرمیوں میں ملوث قیدیوں پر معافی کا اطلاق نہیں ہو گا جبکہ ایسے تمام قیدیوں کو جن کی سزا چھ ماہ سے کم ہے۔ معافی دی جائے گی۔ایسی خواتین قیدی جو اپنی سزا کا 75 فیصد حصہ کاٹ چکی ہیں،انہیں معافی دی جائے گی جبکہ ایک سال یا اس سے کم سزا یافتہ زیرحراست بچے اور خواتین پر بھی معافی کا اطلاق ہو گا۔