خیبرپختونخوا میں بارش کے باعث ہونیوالے حادثات میںگیارہ افراد جاں بحق اور چھ زخمی ہوگئے ہیں۔ ضلع دیر بالا کے علاقے کارودارا میں شدید بارش کے باعث ایک گھر کی چھت منہدم ہوگئی جس سے تین افراد جاں بحق اور دو زخمی ہوگئے۔تیراہ کے علاقے میںایک چوکی کی چھت گرنے سے ایف سی کے دواہلکار جاں بحق اور تین زخمی ہوگئے جبکہ ایک شخص طور خم میں جاں بحق ہوگیا۔ ضلع نوشہرہ کے علاقے نظام پور میں دوافراد جاں بحق اور ایک زخمی ہوگیا۔ قبائلی ضلع باجوڑ کی تحصیلBarang میں ایک گھر منہدم ہونے سے تین افراد جاں بحق ہوگئے۔