بلوچستان کےوزیراعلیٰ جام کمال خان نے سابق وزیراعلیٰ ڈاکٹر عبدالمالک بلوچ کی بلا جواز تنقید کو مسترد کرتے ہوئے کہا ہے کہ انہوں نے اپنے دور میں صوبے کی ترقی کےلئے کچھ نہیں کیا۔
انہوں نے ایک ٹویٹ پیغام میں کہا کہ کراچی میں پاکستان ڈیمو کریٹک موومنٹ کے جلسے کے دوران ڈاکٹر عبدالمالک کی حکومت پر تنقید کی کوئی اہمیت نہیں ہے کیونکہ جب وہ خود بلوچستان کےوزیراعلیٰ تھے تو انہوں نے گوادر کی خوشحالی کےلئے کوئی اقدام نہیں کیا۔
وزیراعلیٰ نے کہا کہ ڈاکٹر مالک پانچ سال تک مسلم لیگ ن کی حکومت میں رہے لیکن چین پاکستان اقتصادی راہداری کے منصوبوں کو مکمل نہ کرسکے۔
