سابق بھارتی کرکٹر نو جوت سنگھ سدھو نے پاکستان تحریک انصاف کے رہنما اور گورنر پنجاب کےلئے نامزد امیدوار چوہدری محمد سرور سے آج لاہور میں ملاقات کی۔
انہوں نے باہمی دلچسپی کے امور خصوصا ً پاکستان اور بھارت کے دو طرفہ تعلقات کے فروغ کے طریقوں پر تبادلہ خیال کیا۔
ملاقات کے دوران نو جوت سنگھ سدھو نے نئے وزیراعظم عمران خان کی تقریب حلف برداری میں شرکت کےلئے اپنے دورہ پاکستان میں خلوص ومحبت اور مہمان نوازی پر پاکستان کی حکومت اور عوام کا شکریہ ادا کیا۔
