سعودی عرب کے ایک وفد نے آج کراچی میں گورنر سندھ کامران خان ٹیسوری سے ملاقات کی۔ ملاقات کے دوران باہمی معاشی تعاون اور پاکستانی عازمین حج کو بہتر سہولیات کی فراہمی سے متعلقہ امور زیر بحث آئے۔ اس موقع پر باتیں کرتے ہوئے گورنر نے کہا کہ دونوں ممالک کے درمیان تعلقات مثالی ہیں کیونکہ پاکستان کے عوام مقدس مقامات کی وجہ سے سعودی عرب کو خصوصی حیثیت دیتے ہیں۔ انہوں نے کہا کہ ہر سال عمرہ کرنے والے افراد کی بڑی تعداد کا تعلق پاکستان سے ہے۔وفد نے گورنر کو پاکستانی عازمین کیلئے بہتر سہولیات کی فراہمی کا یقین دلایا۔