گلگت بلتستان کےوزیراعلیٰ حافظ حفیظ الرحمن نے ملازمین کی کمی پر قابو پانے کےلئے محکمہ تعلیم کو کمیٹی کے ذریعے گریڈ پانچ تک سات سو آسامیوں پر بھرتیوں کی ہدایت کی ہے۔

 گلگت میں ایک بریفنگ اجلاس کی صدارت کرتے ہوئے انہوں نے کہا کہ گریڈ سولہ اور اس سے اوپر کی تقریباً پانچ سو آسامیاں تشہیر کےلئے فیڈرل پبلک سروس کمیشن کو بھیج دی ہیں۔

 انہوں نے کہا کہ ایک ہزار  چھ سو چھبیس طلبا کو میرٹ پر بہبود فنڈ سے تقریباً ایک ارب پچاس کروڑ روپے دیے جائیں گے۔

اجلاس کو بتایا گیا کہ سالانہ ترقیاتی پروگرام میں بیس ماڈل سکول منظور کئے جائیں گے جبکہ تمام اضلاع میں بیس ماڈل سکول پہلے ہی قائم ہیں۔

 انہوں نے سیکرٹری تعلیم کو دیامر میں فوری طور پر ای لرننگ شروع کرنے کی ہدایت کی۔