گلگت بلتستان کے وزیراعلیٰ حافظ حفیظ الرحمن نے محرم الحرام کے جلوسوں کی سی سی ٹی وی کیمروں کے ذریعے نگرانی کرنے اور ضابطہ اخلاق پر سختی سے عملدرآمد یقینی بنانے کی ہدایت کی ہے۔
انہوں نے یہ ہدایات آج (منگل) گلگت میں ایک اعلیٰ سطح کے اجلاس کی صدارت کرتے ہوئے کیں۔
اجلاس میں عاشورہ کےلئے سکیورٹی انتظامات کا جائزہ لیاگیا۔
وزیراعلیٰ نے علاقے میں قیام امن کے لئے محکمہ داخلہ، پولیس، گلگت بلتستان سکاوٹس ، پنجاب ،رینجرز اور خفیہ اداروں کے کردار کو سراہا۔
==+
