وزیراعلیٰ پنجاب مریم نواز نے کہا ہے کہ عوام کی سہولت کے لیے صوبے میں نکاسیِ آب کے نظام کو بہتر بنایا جا رہا ہے۔

انہوں نے یہ بات آج لاہور میں سیوریج کی نئی مشینوں کی علامتی چابیاں واسا حکام کے حوالے کرنے کے موقع پر گفتگو کرتے ہوئے کہی۔

وزیراعلیٰ نے کہا کہ واسا کے دائرۂ کار کو دو اضلاع سے بڑھا کر اکتالیس اضلاع تک وسعت دے دی گئی ہے۔

بریفنگ کے دوران رہائش و شہری ترقی کے صوبائی وزیر بلال یاسین نے کہا کہ اکتالیس اضلاع میں نکاسیِ آب کے لیے تقریباً سات سو جدید مشینوں، آلات اور نئی گاڑیوں کی فراہمی کا عمل جاری ہے۔