وزیر ریلوے محمد حنیف عباسی نے پاکستان ریلویز کی توسیع اور اسے جدید خطوط پر استوار کرنے کے منصوبے کا اعلان کیا ہے۔

انہوں نے یہ بات لاہور ریلوے اسٹیشن پر لاہور اور قصور کے درمیان بلھے شاہ مسافر ٹرین سروس کا افتتاح کرنے کے بعد صحافیوں سے گفتگو کرتے ہوئے کہی۔

وزیر ریلوے نے کہا کہ مال بردار راہداری کے لیے 43 انجن مختص کیے جائیں گے، جس سے مال برداری کے کاروبار میں کم از کم 32 فیصد اضافہ ہوگا۔