بلوچستان حکومت زرعی شعبے کو جدید خطوط پراستوار کرنے کیلئے بھرپور کوششیں کررہی ہے تاکہ کاشتکاروں کو سائنسی طریقوں کے استعمال کے ذریعے مختلف فصلوں کی پیداوار بڑھانے کے قابل بنایا جاسکے ۔محکمہ زراعت کے توسیعی شعبے کے ڈائریکٹر جنرل نے ریڈیوپاکستان کوئٹہ کو بتایا کہ اس سلسلے میں بتیس کروڑ روپے کی لاگت سے ایک جدید طرز کے آبپاشی نظام کے فروغ کیلئے ایک منصوبہ شروع کیاگیا ہے ۔اس کے علاوہ ساڑھے تین کروڑ روپے کی لاگت سے خضدار نال اور موسی خیل میں زیتون کا تیل نکالنے اورمختلف پھلوں کے جوس نکالنے کیلئے مشنیں نصب کی گئی ہیں۔پشین اور دالبندین کے علاقوں میں زرعی ورکشاپوں کے قیام کے منصوبے کو گیارہ کروڑ روپے کی لاگت سے مکمل کیاجائے گا ۔