پنجاب کے وزیراعلیٰ سردار عثمان خان بزدار نے مری میں تفریح کے لئے آنے والے خاندان کے ساتھ ناروا سلوک کا نوٹس لیا ہے۔
انہوں نے پنجاب پولیس کے انسپکٹر جنرل سے واقعے کی رپورٹ طلب کرتے ہوئے معاملے کی تحقیقات کا حکم دیا ہے۔
وزیراعلیٰ نے متاثر ہ خاندان کو انصاف فراہم کرنے اور واقعے میں ملوث افراد کے خلاف سخت کارروائی کرنے کا حکم دیا ہے۔
انہوں نے فرائض کی انجام دہی میں کوتاہی برتنے اور متاثرہ خاندان کو تعاون فراہم نہ کرنے پر متعلقہ تھانے کے ایس ایچ او کو بھی معطل کردیا ہے۔