بلوچستان کے گورنرمحمدخان اچکزئی نے کہا ہے کہ انصاف کے بغیر کوئی قوم زندہ نہیں رہ سکتی۔ ہفتہ کو کوئٹہ میں صوبائی محتسب عبدالغنی خلجی سے باتیں کرتے ہوئے انہوں نے کہاکہ حکومت کی پالیسیوں پرعمل درآمد اور لوگوں کے بنیادی حقوق کا تحفظ حکام کی بنیادی ذمہ داری ہے ۔گورنر نے محتسب پرزوردیا کہ وہ انتظامی خدمات مزید بہتر بنانے کیلئے خصوصی اقدامات کریں۔اس موقع پر صوبائی محتسب نے گورنر کو سالانہ رپورٹ 2016ء پیش کی۔