کینیڈانے سکھ علیحدگی پسند رہنما ہردیپ سنگھ نجر کے قتل کے سلسلے میں بھارت کے ہائی کمشنرسمیت چھ سفارت کاروں کو ملک بدر کر دیا ہے۔یہ بات کنیڈا کے وزیراعظم جسٹن ٹروڈو نے اوٹاوا میں ایک نیوز کانفرنس میں بتائی۔ انہوں نے کہا کہ کنیڈا کے پاس اس بات کے واضح ثبوت موجود ہیں کہ بھارتی ایجنٹ کنیڈا میں عوام دشمن سرگرمیوں میں ملوث ہیں۔ واضح رہے کہ ہردیپ سنگھ نجر کے قتل کے الزام میں چار بھارتی شہریوں کو گرفتار کیا گیا تھا۔نجر کو گزشتہ برس وینکوور میں واقع ایک گردوارے کے قریب قتل کیا گیا تھا۔