گلگت بلتستان کے وزیراعلیٰ بیرسٹر محمد خالد خورشید نے کہا ہے کہ راکاپوشی میں پھنسنے والے تین کوہ پیمائوں کو جن میں دو غیر ملکی اور ایک پاکستانی شامل ہے ایف سی شمالی علاقہ جات کے ہیلی کاپٹر کے ذریعے نکال لیا گیا ہے۔

آج ایک بیان میں وزیراعلیٰ نے کوہ پیمائوں کو بحفاظت نکالنے کیلئے پاک فوج کو سراہتے ہوئے کہا کہ حکومت کوہ پیمائی کے شعبے میں خطے میں موجود بھرپور صلاحیت کومکمل طور پر بروئے کار لانے کیلئے اسے فروغ دے رہی ہے۔