لاہور میں رائیونڈ روڈ پر خودکش دھماکے میں شہید ہونے والے پولیس افسروں اور اہلکاروں کی نماز جنازہ ادا کر دی گئی ہے۔پنجاب کے وزیر اعلیٰ محمد شہباز شریف ' گورنر محمد رفیق رجوانہ' کور کمانڈر لاہور لیفٹیننٹ جنرل عامر ریاض' ڈی جی رینجرز ' آئی جی پنجاب پولیس عارف نواز' لاہور کے میئر مبشر جاوید اور دوسرے اعلیٰ افسروں نے نماز جنازہ میں شرکت کی جو پولیس لائن قلعہ گجر سنگھ لاہور میں ادا کی گئی۔ادھر قومی اسمبلی کے اجلاس میں کل لاہور میں دہشت گردی کے حملے میں شہید ہونے والے سیکورٹی حکام اور بے گناہ شہریوں کے لئے فاتحہ خوانی کی گئی۔