خیبرپختونخوا کے وزیر قانون سلطان محمد خان نے کہا ہے کہ حکومت صوبے میں زیادتی کے مقدمات کی روک تھام کےلئے ہر ممکنہ اقدامات کررہی ہے۔
وہ آج تیسرے پہر چارسدہ میں وزیراعلیٰ کے اطلاعات کے بارے میں معاون خصوصی کامران بنگش کے ہمراہ کمسن بچی زینب سے زیادتی کے بعد اسے قتل کرنے والے ملزم کی گرفتاری کے بارے میں نیوز بریفنگ سے خطاب کررہے تھے۔
سلطان محمد خان نے کہا کہ حکومت اس واقعے پر عوام کی طرح غمزدہ اور افسردہ ہے۔
انہوں نے کہا کہ ملزم کی گرفتاری سے معاشرے کوایک پیغام ملا ہے کہ بچوں سے زیادتی کرنے والے قانون سے نہیں بچ سکتے۔