خیبرپختونخوا کے وزیراعلیٰ کے مشیر اطلاعات کامران خان بنگش نے کہا ہے کہ کورونا وائرس سے عوام کا تحفظ حکومت کی اولین ترجیح ہے۔انہوں نے اتوار کے روزپشاور میں صحافیوں کو بریفنگ دیتے ہوئے کہا کہ ہنگامی امدادی ادارے کے تعاون سے کورونا کے مریضوں کے لئے پشاور کے امراض قلب کے علاج کے ادارے میں ایک اور ہسپتال قائم کیا جا رہا ہے۔ مشیر نے عوام پر زور دیا کہ وہ عیدالاضحی کے دوران کورونا وائرس کے پھیلاؤ کی روک تھام کیلئے حفاظتی تدابیر پر سختی سے عمل کریں۔
