گلگت بلتستان کے وزیراعلیٰ کے اطلاعات و نشریات کے بارے میں مشیر شمس میر نے کہا ہے کہ حکومت علاقے میں ملکی اور غیر ملکی سرمایہ کاروں کو راغب کرنے کیلئے مختلف اقدامات کررہی ہے۔ آج گلگت میں صحافیوں سے گفتگو کرتے ہوئے انہوں نے کہا کہ علاقے میں پن بجلی معدنیات اور سیاحت کے شعبوں میں سرمایہ کاری کے وسیع مواقع ہیں۔ انہوں نے کہا کہ صنعتی اور اقتصادی زونز کی تعمیر کا کا م شروع ہوچکا ہے جبکہ سرمایہ کاروں کی سہولت کیلئے سرمایہ کاری بورڈ قائم کیا گیا ہے۔