پنجاب کی وزیر صحت ڈاکٹر یاسمین راشد نے کہا ہے کہ سرکاری ہسپتالوں میں مریضوں کو صحت کی محفوظ اور معیاری سہولتوں کی فراہمی حکومت کی اولین ترجیح ہے۔ لاہور میں عالمی ادارہ صحت کے نمائندوں کے ساتھ ایک ملاقات میں انہوں نے کہا کہ عالمی ادارہ صحت کے نمائندے تربیتی ورکشاپوں کے ذریعے پنجاب پیشنٹس سیفٹی پروگرام کی اہمیت کے بارے میں ڈاکٹروں اور معاون طبی عملے کو آگاہی فراہم کریں گے۔ انہوں نے پنجاب پیشنٹس سیفٹی پروگرام پر سو فیصد عملدرآمد کیلئے ڈاکٹروں اورمعاون طبی عملے کو تربیت حاصل کرنے کی بھی ہدایت کی۔
