خیبرپختونخوا کے وزیراعلی محمود خان نے کہا ہے کہ صوبائی حکومت عوام کو سہولت دینے اور مسائل ان کی دہلیز پر کامیابی سے حل کرنے کیلئے سنجیدہ اقدامات کررہی ہے۔ انہی کوششوں کے حصے کے طور پر وزیراعلی نے آج عوامی رابطہ مہم کا آغاز کیا اور شہریوں سے ٹیلیفون پر براہ راست بات چیت کی۔ انہوں نے سرکاری محکموں میں لوگوں کو در پیش مشکلات کے بارے میں دریافت کیا اورمتعلقہ حکام کو رکاوٹیں ختم کرنے اور لوگوں کو سہولت کی فوری فراہمی کیلئے فوری اقدامات کی ہدایت کی۔