خیبرپختونخوا کےوزیراعلیٰ محمود خان نے کہا ہے کہ حکومت صوبے میں کوروناوائرس کا پھیلاو روکنے کےلئے تمام وسائل بروئےکار لارہی ہے۔

 آج تیسرے پہر پشاور میں کورونا کےلئے قائم کئےگئے ایک نئے ہسپتال کا افتتاح کرتے ہوئے انہوں نے کہا کہ حکومت نے عوام کو کورونا وائرس کی عالمی وبا سے محفوظ رکھنے کےلئے مختلف علاقوں میں سمارٹ لاک ڈاون کیا ہے۔

 ابتدائی طور پر  ہسپتال ہائی Dependency یونٹس اور آئسولیشن وارڈز سمیت ساٹھ بستروں پر مشتمل ہے جسے اس مہینے کے آخر تک ایک سو دس بستروں تک بڑھایا جائے گا۔

محمود خان نے کہا کہ کورونا وبا کے علاج کےلئے مخصوص ہسپتال عالمی معیار کے مطابق قائم کیاگیا ہے۔