پنجاب کے وزیراعلی عثمان بزدار نے کہا ہے کہ حکومت نے صوبے میں کورونا وائرس کی روک تھام کیلئے بروقت فیصلے کرنے میں اہم کامیابی حاصل کی ہے ۔آج لاہور سے جاری ایک بیان میں انہوں نے کہاکہ صوبے کے تمام فریقوں کی مشاورت کے بعد اورعام آدمی کی مشکلات کو مدنظررکھتے ہوئے سمارٹ لاک ڈائون ختم کیاگیا ۔انہوں نے کہاکہ ماسک پہننے اور سماجی فاصلہ برقراررکھنے سے کورونا وائرس کی صورتحال بہتر ہوئی ہے اس لئے شہریوں کو اس وباء کے خلاف احتیاطی تدابیر ترک نہیں کرنی چاہئیں ۔