نیشنل کمانڈ اینڈ آپریشن  سنٹر اور قومی ادارہ صحت کے تعاون سے حفاظتی ماسک اور آلات کے حوالے سےنہ صرف  تفصیلی گائیڈ لائنز تیار کی گئیں ہیں بلکہ ملک کے ہر کونے میں موجود ڈاکٹرز پیرامیڈیکس ہیلتھ ورکرز اور وہ تمام لوگ جو کرونا وائرس کے مریضوں کے ساتھ رابطے میں ہیں ان تک گائیڈ لائینز باہم پہنچائی جارہی ہیں اس میں ان تمام ایریاز کو بھی کور کیا گیا جہاں کرونا وائرس کے مریض ہو سکتے ہیں جس میں ان مریضوں کی سہولیات ان پیشنٹ پروٹیکشن آؤٹ پیشنٹ چیلنجز لیب کمیونٹی سیمپلنگ ایریاز ایسولیشن وارڈ ایریاز اور ان ایریاز جہاں کرونا کے مریض ہوسکتے ہیں ان کیلئے گائیڈ لائینز تیار کردی ہیں تاکہ تمام ہیلتھ پروفیشنلز ہیلتھ ورکرز پیرامیڈیکس کو اچھی طرح آگاہی ہو کونسی چیز کب اور کس وقت استعمال کرنی ہےاور ان حفاظتی ماسک اور آلات کو کس طرح استعمال کرنا ہے۔ گائیڈ لائینز کو تمام ہسپتالوں اور لیبارٹریز میں چارٹ کی صورت میں آویزاں کیا جارہا ہے ۔حفاظتی ماسک اور آلات میں چھ بنیادی چیزیں شامل ہیں جن میں میڈیکل ماسک این 95ماسک باڈی گاونز آنکھوں کے حفاظتی آلات گم بوٹ اور شو کور شامل ہیں۔ہیلتھ پروفیشنلز ہیلتھ ورکرز ہمارے فرنٹ لاین ورکرز ہیں ان کا تحفظ ہماری اولین ترجیح ہے ۔حکومتِ ہیلتھ پروفیشنلز کی زندگیوں کو تحفظ دینے کیلئے تمام ضروری اقدامات اور ضروریات کو ہنگامی بنیادوں پر یقینی بنا رہی ہے اور اس کیلئے تمام تر وسائل بروئے کار لا رہی ہے۔