وزیراعلیٰ بلوچستان میر سرفراز احمد بگٹی نے کہا ہے کہ حکومت کسانوں کے مسائل ترجیحی بنیادوں پر حل کرنے کے لئے پرعزم ہے۔کوئٹہ میں سردار نور احمد بنگلزئی کی قیادت میںکسانوں کے ایک وفد سے گفتگو کرتے ہوئے وزیراعلیٰ نے کہا کہ کوئٹہ الیکٹرک سپلائی کمپنی ا ور زمینداروں کے درمیان اعانت اور بقایا جات کی ادائیگی کے مسائل کو باہمی گفت و شنید سے حل کیا جائے گا۔وزیراعلیٰ نے وفد کو یقین دلایا کہ وہ صوبے میں زراعت کے شعبے سے منسلک لوگوں کی مشکلات اور مسائل کا معاملہ وفاقی حکومت کے سامنے رکھیں گے۔