پنجاب کے وزیراعلی عثمان خان بزدار نے کہا ہے کہ صوبائی حکومت نے ایک سال کے دوران قانون سازی سمیت نمایاں اقدامات کئے ہیں۔وہ آج لاہور میں پنجاب کے وزیرقانون محمد بشارت راجہ سے گفتگو کررہے تھے ۔جنہوں نے انھیں محکمہ قانون وپارلیمانی امور کی ایک سالہ کارکردگی رپورٹ پیش کی ۔وزیراعلی نے کہاکہ صوبائی اسمبلی نے عوام کی بہتری اور فلاح وبہبود کیلئے 19 انتہائی اہم بل منظور کئے ۔ انہوں نے کہاکہ تقریبا ً 32 اہم بل زیر غور ہیں ۔