سندھ کے وزیر اعلیٰ سید مراد علی شاہ نے آج کراچی میں انسداد دہشت گردی کے محکمے کے فیوژن سنٹر کا افتتاح کیا۔

تقریب سے خطاب کرتے ہوئے انہو ں نے فیوژن سنٹر کو جدید آلات سے لیس کرنے کے اقدام کو سراہا جن سے دہشتگردی اور جرائم سے متعلقہ مقدمات حل کرنے کے لئے فیصلے کرنے میں مدد ملے گی۔

انہوں نے دہشت گردی کے خلاف جنگ میں پولیس خاص طور پر سی ٹی ڈی کی کوششوں کو سراہتے ہوئے کہا کہ صوبائی حکومت نے محکمہ انسداد دہشت گردی کو جدید ہتھیار اور ٹیکنالوجی فراہم کی ہے۔

وزیر اعلیٰ نے امن و امان کی بحالی میں پولیس کے ساتھ رینجرز اور قانون نافذ کرنے والے اداروں کی کوششوں کی بھی تعریف کی ہے۔