صدر آصف علی زرداری نے چینی صدر شی چن پنگ سے بدھ کے روز بیجنگ کے عظیم عوامی ہال میں ملاقات کی۔

ملاقات کے دوران دونوں رہنمائوں نے دوطرفہ تعلقات کی مثبت رفتار ، باہمی دلچسپی کے علاقائی اور بین الاقوامی امور اور دوطرفہ شراکت داری کے دائرہ کار کو مزید وسعت دینے کے مواقع خصوصاً جاری اعلی سطح کے تبادلوں پر بات چیت کی۔

انہوں نے دونوں ممالک کے درمیان پائیدار دوستی کو اجاگر کرتے ہوئے بنیادی دلچسپی کے امور پر ایک دوسرے کی حمایت کا بھی اعادہ کیا ۔