بری فوج کے سربراہ جنرل سید عاصم منیر نے اس عزم کا اعادہ کیا ہے کہ پاکستان ریاستی سرپرستی میں ظلم وجبر کے خلاف کشمیری عوام کے منصفانہ اور قانونی نصب العین کا ہمیشہ ساتھ دے گا۔
انہوں نے اس عزم کا اظہار بدھ کے روز مظفرآباد کے دورے میں کیا جہاں انہوں نے شہدائے کشمیر کو خراج عقیدت پیش کیا۔
کشمیر کے بزرگوں اور عمائدین سے ملاقات میں آرمی چیف نے بھارت کے غیر قانونی زیر قبضہ جموں وکشمیر کے عوام کیلئے پاکستان کی بھرپور حمایت کا اعادہ کیا۔
انہوں نے کہاکہ بلاشک وشبہ کشمیر ایک دن آزاد ہوگا اور کشمیری عوام کی خواہش کے مطابق پاکستان کا حصہ بنے گا۔
انہوں نے کہا کہ بھارتی مظالم اور بڑھتی ہوئی ہندوتوا انتہا پسندی سے کشمیری عوام کا حق خودارادیت کیلئے عزم مزید مستحکم ہوا ہے۔
