خیبرپختونخوا حکومت ضم شدہ اضلاع میں دو ارب 30 کروڑ روپے کی لاگت سے سیاحت کی ترقی اور فروغ کے لئے منصوبے شروع کرے گی۔صوبے کے محکمہ سیاحت و آثار قدیمہ اور نوجوانوں کے امور کے شعبے کے ترجمان لطیف الرحمن نے آج اے پی پی کو بتایا کہ یہ منصوبے ترقیاتی منصوبوں کو تیزی سے مکمل کرنے کے پروگرام کے تحت شروع کئے جائینگے۔انہوں نے کہا کہ ان منصوبوں کی تیزی سے تکمیل کو یقینی بنانے کیلئے خصوصی سیاحتی ونگ قائم کیا گیا ہے۔ترجمان نے کہا کہ ان منصوبوں سے قبائلی نوجوانوں کے لئے روزگار کے مواقع پیدا ہونگے اور قبائلی اضلاع میں سیاحت کے وسیع امکانات کو دنیا کے سامنے اجاگر کرنے میں مدد ملے گی۔