افغان وزیرخارجہ امیر خان متقی نے کہا ہے کہ افغانستان میں دہشتگردوں کیلئے کوئی محفوظ ٹھکانہ نہیں اور افغان سرزمین کو دوسرے ملکوں کے خلاف استعمال ہونے نہیں دیا جائیگا۔کابل میں ایک ہسپتال کا افتتاح کرنے کے موقع پر صحافیوں سے گفتگو کرتے ہوئے انہوں نے کہا کہ پاکستان کو پشاور میں ہونے والے دہشتگرد حملے کی بغور اور محتاظ انداز میں تحقیقات کرنی چاہیں۔انہوں نے کہا کہ دہشتگردی ایک عالمی مسئلہ ہے اور اگر افغانستان میں دہشتگردی ہے تو ہمسایہ ممالک بھی اس سے متاثر ہوسکتے ہیں لیکن اس کے برعکس آج نہ صرف ہمسایہ ممالک بلکہ افغانستان دونوں دہشتگردی سے محفوظ ہیں۔