خیبرپختونخوا کے وزیراعلی محمود خان نے کہا ہے کہ خیبرپختونخوا غیرملکی سرمایہ کاروں کوصوبے میں سرمایہ کاری کے وسیع مواقع اور سازگار ماحول فراہم کرتا ہے۔پاکستان میں جنوبی کوریا کے سفیر SUH SANG PYO سے پشاور میں ملاقات کے دوران گفتگو کرتے ہوئے وزیراعلی نے کہاکہ موجودہ حکومت غیرملکی سرمایہ کاروں کو زیادہ سے زیادہ سہولتوں کی فراہمی کیلئے مربوط اقدامات کررہی ہے ۔انہوں نے مزید کہاکہ خیبرپختونخوا کی حکومت مختلف شعبوں میں سرمایہ کاری راغب کرنے کیلئے غیرملکی سرمایہ کاروں کو پرکشش مراعات کی پیشکش کررہی ہے ۔انہوں نے مختلف شعبوں میں جنوبی کوریا کی سرمایہ کاری اور باہمی دلچسپی کے مختلف امور پر تبادلہ خیال کیا۔