وزیر اعلی پنجاب چودھری پرویزالٰہی نے صوبے کے مختلف شعبوں کے بنیادی ڈھانچے کو مضبوط کرنے کے لئے متحدہ عرب امارات کے تعاون کو نہایت اہم قرار دیا ہے۔

انہوں نے آج لاہور میں عرب امارات کے سفیر حماد عبید ابراہیم Salem الزیبی سے ملاقات میں لاہور میں جدید سہولیات سے آراستہ منصوبے مبارک سنٹر میں دبئی گروپ کی بڑی سرمایہ کاری کو سراہا۔ انہوں نے کہا متحدہ عرب امارات کے سرمایہ کاروں کو تمام ممکنہ سہولیات کی فراہمی یقینی بنائی جائے گی۔ اس موقع پر اماراتی سفیر نے پنجاب حکومت سے مختلف شعبوں میں تعاون بڑھانے کا وعدہ کیا اور سیلاب زدگان کی بحالی کے لئے بھی ہر ممکن مدد کا یقین دلایا۔