پنجاب کی وزیراعلیٰ مریم نواز شریف نے سنکیانگ میں چین کے معروف ڈیری ادارے ٹائرن وِزڈم ڈیری کمپنی کا دورہ کیا۔
انہوں نے ٹائرن وِزڈم ڈیری کی پروسیسنگ سہولت کے مختلف شعبوں کا دورہ کیا جہاں کمپنی کے حکام نے انہیں جامع بریفنگ دی۔
وزیراعلیٰ نے دودھ کی ڈیجیٹل پروسیسنگ کے نظام کا بھی مشاہدہ کیا۔
انہیں بتایا گیا کہ ٹائرن وِزڈم ڈیری چین کے مختلف علاقوں میں جدید ڈیری فارمنگ کیلئے مشہور ہے۔
اس موقع پر گفتگو کرتے ہوئے وزیراعلیٰ نے کہا کہ لائیو اسٹاک کے شعبے کی ترقی اور فروغ کیلئے حکومت پنجاب کے اقدامات کے مثبت نتائج برآمدہورہے ہیں۔
انہوں نے چین کے تعاون سے پنجاب میں دودھ اور ڈیری پروسیسنگ کے جدید یونٹس قائم کرنے کی خواہش کا اظہار کیا۔
