صنعتوں اور پیداوار کے وزیر راناتنویر حسین نے چھوٹے اور درمیانے درجے کے کاروبار کے ترقیاتی ادارے پرزور دیا ہے کہ وہ انسانی وسائل کی ترقی پر خصوصی توجہ دے۔
انہوں نے آج اسلام آباد میں ایک اجلاس کی صدارت کرتے ہوئے ملک کی مجموعی معاشی ترقی کے لئے خواتین کو کاروبار کرنے کے مواقع فراہم کرنیکی ضرورت پر زور دیا۔
ملک کی معیشت کو مستحکم کرنے میں چھوٹے اور درمیانے درجے کے کاروبار کے اہم کردار کا اعتراف کرتے ہوئے وفاقی وزیر نے ان کی ترقی کو حکومت کی اولین ترجیح قرار دیا۔
