محکمہ موسمیات نے ملک کے کچھ حصوں کے لئے خشک سالی کا انتباہ جاری کیا ہے جس میں معمول سے کم بارشوں اور بڑھتے ہوئے درجہ حرارت کے پیش نظر حالات مزید خراب ہونے کی وارننگ دی گئی ہے۔

محکمہ موسمیات کے مطابق یکم ستمبر 2024سے 15 جنوری 2025تک پاکستان میں معمول سے چالیس فیصد کم بارش ہوئی۔

ادارے نے پیشگوئی کی ہے کہ آنے والے مہینوں میں کم بارشوں اور معمول سے زیادہ درجہ حرارت کی وجہ سے خشک سالی مزید بڑھ جائے گی۔

محکمہ موسمیات نے کسانوں کو مشورہ دیا ہے کہ وہ خشک سالی کے اثرات کو کم کرنے کے لئے پیشگی اقدامات کریں۔