اسلامی تعاون تنظیم نے ایک قرارداد منظور کی ہے جس میں جموں و کشمیر کے تنازع کا اقوام متحدہ کی متعلقہ قراردادوں کے مطابق حتمی حل کا مطالبہ کیا گیا ہے۔

یہ قرارداد بغداد میں او آئی سی کے رکن ممالک کے وزرائے خارجہ کی کونسل کے 52ویں اجلاس میں منظور کی گئی۔

او آئی سی نے عالمی برادری سے جموں و کشمیر سے متعلق اقوام متحدہ کی قراردادوں پر عمل درآمد یقینی بنانے کے اپنے مطالبے کو دہرایا۔

اجلاس میں فلسطین کے مظلوم عوام اور ان کے آزاد ریاست کے قیام کے حق کی حمایت کا بھی اعادہ کیا گیا۔